Праздничный концерт в Сотниковском СДК
Шартлама сивӗсене сирсе ярса, телейлӗ те савӑнӑҫлӑ вӑхӑта тӗл пулса , пухӑнтӑмӑр уяв каҫне Турханкасси культурӑ Ҫуртне. Паянхи уявра эпир атте – аннесене , кукаҫи – кукамайсене , пичче – аппасене юратса, вӗсене хисеп туса , пӗтӗм чӗре ӑшшине парнелесе пӗрле саламлас терӗмӗр.
Хаваслӑ кулӑ, ырӑ кӑмӑл, пысӑк телей тата юрату сунса пӗрин хыҫҫӑн тепри тухса саламларӗҫ культурӑ ҫурчӗн ҫумӗнчи ушкӑнсем. Фольклор ушкӑнӗ ҫӗнӗ юрӑсемпе, Роза Мартыновӑпа Люда Константинова тӗрлӗ эстрада юррисемпе, Михаил Егоров хӑй ҫырса кӗвӗленӗ юрӑпа, ачасем илемлӗ сӑвӑсем каласа, частушкисем юрласа саламларӗҫ, Лена Арсентьевӑпа Лидия Келе тӗрлӗ шỳтсем каласа тӗлӗнтерчӗҫ.
Тӗл пулу каҫӗ савӑнӑҫлӑ та хаваслӑ иртрӗ. Куракансем хыттӑн кӑна ал ҫупса, артиссене тав сӑмахӗсем каласа, тулли кӑмӑлпала саланчӗҫ.