Фольклорный урок "Авалхи вӑхӑтран".
Илемлӗ, илемлӗ,
Илемлӗ чӑваш кӗпи.
Илемлӗ чӑваш кӗпи те
Тӑхӑнма пӗлсен кӑна.
Ҫакӑн пек илемлӗ юрӑпа пуҫларӑмӑр паянхи фольклор урокне. Турханкасси культура ҫуртӗнче авалхи тумтирсене тупса , вӗсене упраса хӑварас , ҫамрӑк ӑрӑва кӑтартас тесе питӗ тӑрӑшаҫҫӗ, час – часах сцена ҫинче кӑтартаҫҫӗ.
Паянхи тӗл пулура эпир ачасемпе хӗрарӑмсен авалхи тумтирӗсене тинкертӗмӗр, хамӑр тӑхӑнса киллентӗмӗр. Вӗсем кашни тӗрлӗрен, эрешӗсем вара пӗри – тепринчен уйрӑлса тӑраҫҫӗ. Ҫак кӗпесене кашни хӗрарӑм хӑйне вали хӑй пир тӗртсе, ҫӗлесе, эрешлесе тӑхӑннӑ. Кӗпе ҫинчи эрешсем хӗрарӑмӑн шухӑш – кӑмӑлне кӑтарса пама пултараҫҫӗ.
Урари тума кӑтартас тесе эпир авалхи атӑпа ҫӑпата илтӗмӗр. Ҫӑпатана ачасемпе тӑлапа сырма та вӗрентӗмӗр.
Чӑваш хӗрарӑмӗсем яланах пуҫа тутӑр е сурпан тутри ҫыхнӑ. Ҫакӑ хӗрарӑмӑн тирпейлӗхне кӑтартса панӑ.
Паянхи фольклор урокӗ ачасене ҫав тери килӗшрӗ. Тепӗр тӗл пулура ачасем музыка инструменчӗсемпе паллашас терӗҫ.