Осенний букет поздравлений
Ӗнер Сӗнтӗрпуҫ тӗп культура Ҫуртӗнче "Кӗрхи салам ҫыххи" ("Осенний букет поздравлений") ырлӑхпа хисеп уявӗ иртрӗ.Уява хисеплӗ те чыслӑ, ӑслӑ, ҫулĕсем нумай пулсан та ҫирӗп, чӑтӑмлӑ, пысӑк саспаллиллӗ ҫынсем пухӑнчӗҫ. Уява уҫса пухăннисене Сӗнтӗрпуҫ территори отделӗн ветерансен Канашӗн председателӗ Степанова Р. Д., Сӗнтӗрпуҫ тӗп культура Ҫурчӗн заведующийӗ Соловьева Г. В. саламларӗҫ. Аслӑ ӑрурисене пурне те ҫирӗп сывлӑх, телей, ҫемьере килӗшÿ сунчӗç. Уяв хаваслӑ иртрӗ. Пухӑннисене Юля Клементьева, Сергей Ларионов, Иван Андреев юрӑсем юрласа савӑнтарчӗҫ. Аслӑ ҫулхи ҫынсем хушшинче тӗрлӗрен конкурссем, тестсем иртрӗҫ. Юрӑ конкурсӗнче тӗрлӗ вӑхӑтри юрӑсем шӑранчӗҫ. Тутлӑ апат-ҫимӗҫ конкурсӗнче вара Кузюкова С. Д., Андреева Р. Ф., Степанова Р. Д., Васильева А. И., Клементьева Ю. М. палӑрчӗҫ, парнесене тивӗҫрӗҫ. Юлашкинчен хисеплӗ ҫынсем пӗр-пӗринпе курса калаҫма май туса панӑшӑн уява йӗркелекенсене тав сӑмахӗ каларӗҫ